जालना : जाफ्राबाद तालुक्यात २४ जून रोजी वादळी वाऱ्यासह जोरदार पावसाने हजेरी लावली. या वेळी माहोरा रोडवर एक मोठे झाड पडल्यामुळे वाहतुकीची मोठी कोंडी झाली होती. जाफ्राबाद तालुक्याच्या दौऱ्यावर असलेले आमदार संतोष पाटील-दानवे यांच्या ही बाब लक्षात येताच त्यांनी तत्काळ शासकीय यंत्रणांना कळवून झाड बाजूला हटवण्याची व्यवस्था केली आणि रस्त्यावरील वाहतूक सुरळीत केली.
